طريقة عمل منين بالعجوه زى الافران عمايل ايدي فاطمة ابو حاتى

 السلام عليكم ورحمه الله وبركاته..

النهارده جايبالكم وصفه سهله من عمايل ايدي 

منين بالعجوه :

الطريقه والمقادير :

الطريقه:

كيلو دقيق

٣كوب ونص سمنه على زيت ممكن يزيد شويه حسب نوع الدقيق

ذره ملح

٣ملاعق سكر

٢معلقه خميره فوريه

تلات معالق سمسم

لبن بلدي كان قطع عندي واداني نتيجه تحفه

بنخلط المكونات الجافه كلها على بعض وبعد كده بننزل علىيها بالسمنه بنبسها لحد مايتخلط كويس وماتحسيش ان بقى فيها دقيق خالص وبعد كده ننزل باللبن يكون دافي شويه شويه بس كده..

سيبيها ربع ساعه ترتاح وبعد كده تشكيلها بالشكل اللي انتي عايزاه وسيبها تخمر.. اللون الحلو بتاعها بقى دهنت وشها ببيضه وعليها ذره خل وشويه لبن أداها لون تحفففه وبيلمع ومش فيها زفاره خاااالص

... تعرفي انها خمرت لما تلاقي القعر ابيض وسويها على درجه حراره 200

تعديل.. العجوه بسخنها مع معلقتين ذبده ومعلقه سمسم في الميكرويف ٣٠ ثانيه وبدعكها كويس جدااا عشان تبقى طريقه حتى بعد السوا ..

الف هنا ..