السلام عليكم ورحمه الله وبركاته
احلى وصفه من عمايل ايدي 😋
ماشى ورق العنب :
المقادير:
طماطم حمراء طازجة
نصف كوب بقدونس مفروم ناعم
أرز
ملح
بهارات
بصلة
مكونات المحشى
ورق عنب
2 مكعب مرقة دجاج
2 ملعقة زيت زيتون
شوربة
نصف ليمونة
طريقة عمل محشى ورق العنب :
هنشوح بصله كده يروب تاخد لون وعليها نص معلقه سكر وشويه ملح ونضيف الطماطم المعصوره في الخلاط والأفضل تبقى متقشره قبلها ونقلبهم ونسيبهم يتسبكو مع بعض بعدين نجيب الرز يتغسل ونضيف خضره والصلصه اللي عملناها ونعناع اخضر قطعيه مع الخضره ودبس رمان توابل بقا ملح وفلفل وكسبره ناشفه والسبع بهارات وبصل وتوم بودر بس وممكن شطه لو حاباها ومعلقه معجون طماطم
وهاتي ورق العنب الأفضل طبعا يكون اخضر لو الموسم بتاعه يتحط كده بس فيه مياه على النار فيها عصر نص لمونه كده ويدوب دقيقه بس تطلعيه
ولَو جايبه برطمانات اتأكدي انه نوع كويس والأفضل تشيليه من ال برطمان بتاعه َتغسيله كده وتكطيه في شويه مياه عاديه عشان متبقاش الورقه مالحه عشان هما بيحفظوها في مياه بملح
وبعدين حطي ببقا في الحله من تحت فرشه كده من عيدان الخضره اللي حطتيها في الخلطه شرايح بصل وطماطم كده وابتدي لفي و رصي في المحشي
بعدين تسقيه بقا شوربه أو مياه بمرقه تبقا مغليه طبعا ودوبي فيها معلقه سمنه ومعلقه صلصه أو معجون طماطم ودبس رمان وحطي عليه شرايح لمون أو رمان وهو بيستوي بس واسقييه كده لحد قبل ما تغطيه المياه بحاجه بسيطه رسيبيه النار عاليه َده أو متوسطه يغلي بس وبعدين غطيه رسيبيه على مهله خالص يستوي ولو بتحبي طرى ودايب وكده افتحي كل شويه زوديله حبه مياه لو حسيتها قلت انا بعمل كده بس كده بالهنا والشفاء يارب اكون فيدتك
الف هنا ..
الف هنا ..
تعليقات
إرسال تعليق