بالصور حوواشى البطاطس سهل وسريع ولذيذ وكله توفير
النهارده جايبالكم وصفه اكله جديده وسهله ..
عارفين ايه !!
حوواشى البطاطس ..
الطريقه بقا :
سلقت البطاطس اوى وهرستها ناعم جبت بصلايه صغيره وطماطمايه وقرن فلفل بارد وزيتون اخضر وفصين توم وكله ده قطعتهم قطع صغيره وحطيت بهارات شطه وملح بكمون وكزبرة ناشفه وبهارات حواوشى وبيضه وملعقه كبيره سمنه بلدى
حطيت على البطاطس البصل والفلفل والطماطم والتوم والزيتون والسمنه والبهارات كلهم والبيضه وخلطهم او عجنتهم كويس اوى وفتحت العيش وحشيته وسخنت الطاسه وحطيت سمنه بلدى ونزلت بالعيش اول ما ياخد لون نقلبه على الوش التانى وهكذا لحد ما خلصت باقى الكميه وبس وتقدرى تستغنى عن البيضه وتقدرى تزودى اى حاجه نفسك فيهم زى جبن شيدر او متزاريلا مثلا وبس كده وعجب جوزى جدا وبالهنا والشفا يستحق التجربة
تعليقات
إرسال تعليق