بالصور حوواشى اسكندرانى بالطريقة الاصلية وفى 5 دقايق وباسهل مكونات

السلام عليكم ..
النهارده جايبالكم اكله انما روووعه ..
عارفين ايه ؟
الحواوشي الاسكندراني :
عملت كيلو دقيق
 و لبن بودرة تقريبا تلات معالق
 و رشة ملح
 و معلقة سكر
 و معلقة خميرة
 و ميه بعجن لحد ماتلم معايا بحبها عجينة طرية و لينة و اعملها كور و اخمرها و افردها رغيف على زيت و احشيها لحمة مفرومة نية مع حتة دهن أو لية و فلفل و توابل و قد اللحمة بصل مفروم و ممكن جبنة موتزاريلا و كورة أصغر افردها و اقفل بيها الرغيف و رشة على الوش جبنة و يدخل فرن ساخن و اول مايطلع ارش ميه و اغطي و أحلى حواوشي
الف هنا ..