بالصور طريقة عمل ارز بالبشاميل سهله وموفرة ومخدتش 5 دقايق

السلام عليكم ..
النهارده جايبالكم اكله انما ايه عسل وسهله وموفره عارفين ايه ؟!
الارز بالبشاميل
سويت رز ابيض عادي وعصجت لحمة مفرومة ببصل وملح وفلفل اسود ومعلقه صلصه طماطم ورشه بسيطه جوزه الطيب وكان عندي حبه مشروم قربوا يبوظوا حطيتهم عاللحمة
البشاميل بقي معلقتين سمنه ومعلقتين دقيق وبعد كده ننزل عليهم بكوبايتين لبن وكوب شوربة وملح وفلفل اسود
بعد كده حطيت كبشه بشاميل في قعر البايركس وشيلت ٣ كبشات للوش والباقي حطيته عالرز وقلبته وبعدين استغلي شغل الفنادق بقي زي المكرونه بالبشاميل بالظبط حطيت نص الرز تحت وبعدين اللحمه المتعصجة وبعدها باقي الرز وأحط البشاميل عالوش⁦
و جبنه موتزاريلا حطيتهم عالوش روشت البايركس
ودخلته الفرن ياخد وش وطلع قمر كده زي ما انتوا شايفين