عمايل ايدى: كحك فى البيت بمقادير مظبوطه جدا وبالصور
النهارده جايبالكم وصفه لعشاق الكحك ..
السلام عليكم
كحك بسكر على الناس السكر
المقادير :كيلو دقيق (٨أكواب)_نصف كيلو سمنة(كوبين)_معلقتين كبار سكر _معلقة صغيرة خميرة بودر_معلقة كبيرة ريحة الكحك _معلقتين كبار سمسم _رشة ملح _كوب ماء دافى
الطريقة :حناخد نصف كوب ماء دافى (من الكوب اللى فى المقادير )حنضع فيه معلقة الخميرة ومعلقة سكر ونقلب كويس ونسيبهم على جنب يتفاعلوا
فى وعاء غويط حنضع الدقيق ورشة الملح والسمسم وريحة الكحك ومعلقة السكر التانية ونقلب كويس
حنسخن السمن على النار كويس (نخلى بالنا علشان ميتحرقش او يغمق)
ننزل بالسمن على الدقيق حيعمل تششششش نقلب باحتراس جدا بمعلقة خشب ....ولما يهدا نبس بايدينا علشان الدقيق يتشرب السمن كويس ...ولما يبرد خالص حنضيف خليط الخميرة ويادوب نلم العجينة
(مش حنعجن خالص)احنا يادوب بنجمعها بايدينا ...فاضل عندنا من المقادير نصف كوب ماء حنضيف منه القدر اللى يخلى العجينة تلم معانا
(غالبا بناخدها كلها)
خلصنا العجين بنشكل فى ساعتها (انا استعملت البصامة ) بعد ماتشكلى سبيه فى الفرن يخمر حوالى ساعة
حيتخبز فى الفرن على الشبكة فى النصف على(١٧٠)بياخد حوالى من (١٥:٢٠)دقيقة اول مايلون من تحت بارفع الشبكة لفوق درجة علشان الوش ياخد لون ...مش بحتاج اشغل الشواية ...المقادير الحمد لله مظبوطة ومجربة أكثر من مرة ...يارب يعجبكم ..
تعليقات
إرسال تعليق