عمايل ايدى: صينية بطاطس بالبط المحشى ارز حكاية بالصور
النهارده جايبالكم وصفه انما جامده جدا هتعجبكم ..
اول حاجه التوابل اللي استخدمتها
ملح وفلفل وكمون وكركم وكاري وبابريكا وقرفه بودر وحبهان ولورا وقرفه خشب وبهار حلو ودا بهار لبناني
حله كبيره بقي فيها مياه هنسلق فيها البطه وحطيت فيها( جزر وكرفس وبصل وطماطم وقرن فلفل حامي وحبهان ولورا وفص ثوم وبعد ما المياه غلت نزلت البطه فيها بعد ما غسلتها كويس اووي بمياه وملح وخل وسيبت البطايه لحد ما استوت
اوعو حد يرمي المياه بتاعت السلق عشان هنعمل منها البطاطس والارز اللي جنب البطه مش الحشو
البطاطس هنجيب ١ك بطاطس ونقشره ونقطعه شرائح ونحط عليه فلفل الوان وطماطم وبصله وتوابل بقي ملح وفلفل وكاري وكركم ومكعب ماجي وحطيت كوبايتين شوربه من بتاعت البط عايز المياه تبقي زياده شويه وحطيتها في حله عالنار استوت ٣/٤ سوا
وبعد كده صفيتها وركنتها علي جنب والبيون اللي نزل من البطاطس محدش برميه بردو نخليه علي جنب
الارز اللي جنب البطه بقي
حله علي النار فيها ٣ معالق زيت وكيلو ارز ابيض بلدي ونحمره كويس في الحله لحد ما يسخن ونحط عليه ملح وفلفل وكاري وكركم وبابريكا وقرفه وبهار حلو وبعد ما يسخن كويس ننزل بشوربه من اللي عندنا ونظبط الملح بقي وحطيت معلقتين من البيون اللي اتفضل من البطاطس
الارز بتاع الحشو دا بسمتي ونوعه (شهي )
ال١ كيلو ارز
بياخد
١٧٠٠ مياه
١٠٠ جرام لبن
ماجي وملح حسب الرغبه
عود قرفه خشب
لورا وحبهان
وفص ثوم مفروم
ومعلقه ذبده وفلفل
نحط كل دا يغليفي حله وبعد كده ننزل عليه بالارز
ونغطي ١٢ دقيقه هيكون استوي وتمام اووي
عندي ٢٠٠ جرام لحمه مفرومه فرمت بصله بالسكينه وشوحتها في طاسه وبعد كده نزلت عليها باللحمه لحد ما استوت ورحت نازل باربع معالق ارز بسمتي مستوي وعندي سجق مسلوق قطعتفي الحشو منه بردو ومعلقه صغيره من البهار الحلو والقرفه
كده كل حاجه عندنا جاهزه
هجيب بقي البيون اللي فضل من البطاطس وهحطه في الخلاط مع واحده طماطم وملح وفلفل ومعلقه صغيره صلصه ولو فيه مسطرده نحط معلقه صغيره
نحشي بقي البطه بالحشو اللي عملناه وفي صينيه ونحط البطاطس وعليه البطه بالحشو وندهنها كويس بالصوص اللي عملناه في الخلاط وندخلها الفرن بقي من ١٠ دقايق ل ١٥ دقيقه هتبقي تمام
نفتح عليها بعد ٥ دقايق ونحط عليه شويه شوربه من فوق كده عشان ما تنشفش ونقفل تاني وبعد ما تاخد اللون اللي عايزينه نطفي وبألف هنا
السلطه سهله طبعا
طماطم وخيار وخس وبصل وجزر وليمون وفلفل وبقدونس وشبت وتبلتها ملح وكمون وخل
والف هنا ..
تعليقات
إرسال تعليق