اعملى مولتو فى البيت بطريقه سهله ومضمون وبالصور
النهارده جايبالكم طريقه حلوه اوى تعملوا بيها المولتو فى البيت ..اه والله ..
يارب تعجبكم ..
مولتو 🙈🙈
الطريقة :
٣ كوبايات دقيق
معلقة كبيرة خميرة
معلقة كبيرة سكر
معلقة صغيرة بكينج بودر
معلقة صغير فانيليا
نص معلقه صغيرة ملح
ربع كوباية زبدة او سمنه
و تعجيني بلبن
بتعجيني الاول و تسيبي العجين نص ساعة يستريح
و بعدين تقسيمي العجين نصين
و تفردي اول نص و تقطعيه اربع تربع و بعدين مثلثات صغيرة ( زي البيتزا بس مثلثات اصغر و اكتر )
شيكولا كابري متكسرة ( او سايحة اللي يعجبك ) تحطي الشيكولا ع حرف العجين ( المثلث ) و تلفي من قاعدة المثلث
بترصيهم ف صينية او صاج و بعد ماتخلصي بتسيبيهم ساعة بيتضاعف حجمهم
ف الفرن لمده ربع ساعه و الشويه دقيقه و خلاص
و ممكن تلمعي بشربات تقيل بارد
تعليقات
إرسال تعليق