السينابون الخطير باسهل طريقه وبالصور
النهارده جايبالكم وصفه لذيذه اووى وهتعجبكم ..
السينابون
الطريقة :٢كوب دقيق ..ربع كوب زبدة انا معنديش زبدة حطيت سمن بلدي..كيس خميرة ..نص كوب لبن دافيء..نص كوب سكر ..بيضة
هنحط اللبن مع السكر ونقلب هنضيف الخميرة ونقلب كتير نسيبها عشر دقائق ونضيفهم للدقيق ونقلب هيبقي عجينة ملزقة جدااا ..علي رخامة المطبخ نحط شوية دقيق مش كتير ونعجن لحد ما العجينة متلزقش في ايدك و في نفس الوقت طرية جدا هنغطيها ونسبها تخمر ساعة في مكان دافئ
مكونات الحشو:نص كوب سكر بني و معلقتين كبار قرفة ونقلبهم علي بعض ممكن
تزودي السكرة لو عايزة لو مفيش سكر بني يبقي سكر ابيض وعلية معلقة عسل
اسود..ومعلقة زبدة ونقلبهم مع بعض..دة الحشو👍
بعد ما العجينة تختمر هنفردها علي شكل مستطيل وندهنها زبدة ونفرد الحشو علي كل المستطيل ونبتدي نرول العجينة بالطول ونقطع ..تدهن صنيةزبدة ونرص بعيد عن بعض ونسبها ساعة كمان هتكبر. ندخلها الفرن علي حرارة١٨٠ عشر دقايق ونخرجها نحط علي كل الصنية علبة كريمة لبناني صغيرة خطوة اختيارية وندخلها الفرن تاني عشر دقايق مفتح الشواية دقيقةياخد لون ونقفل
الصوص:٨ قطع جبنة كيري او لافاشكري وربع كوب زبدة ونص كوب سكر مطحون نضربهم سوا ونخففه ب شوية لبن وبس
بعد ما العجينة تختمر هنفردها علي شكل مستطيل وندهنها زبدة ونفرد الحشو علي كل المستطيل ونبتدي نرول العجينة بالطول ونقطع ..تدهن صنيةزبدة ونرص بعيد عن بعض ونسبها ساعة كمان هتكبر. ندخلها الفرن علي حرارة١٨٠ عشر دقايق ونخرجها نحط علي كل الصنية علبة كريمة لبناني صغيرة خطوة اختيارية وندخلها الفرن تاني عشر دقايق مفتح الشواية دقيقةياخد لون ونقفل
الصوص:٨ قطع جبنة كيري او لافاشكري وربع كوب زبدة ونص كوب سكر مطحون نضربهم سوا ونخففه ب شوية لبن وبس
تعليقات
إرسال تعليق