كسكسى بالمكسرات حاجه وهم ومن عمايل ايدك وبالصور
النهارده جايبالكم اسهل وصفه للكسكسى ..
اين عشاق الكسكسى
احلى طبق كسكسى بالمكسرات والسمن البلدى
الطريقه....
نجيب الدقيق اى كميه عليها رشه ملح ورشه سكر وفى ايدينا الميه ونرشرش الدقيق مش نكوب وبعقله صوابعنا بس بنفرك فى الدقيق لحد مايبقى عامل زى الرمل
بعد كده نحطه فى الكبه ونضربه كام ضربه هنلاقيه فلفل وبقى حبيبات فى تلك اﻻثناء نكون حاطين حله الكسكسى على النار علشان لحد مالميه ماتغلى واللى معندهاش الحله زى حالاتى تجيب حله وتحط فيها الميه وعليها المصفه وفوق الميه القماشه زى اللى فى الصورة (بس خلى بالك ان الميه متوصلش لقاع المصفه ) ونحط الدقيق ونغطى بالقماشه علشان هيستوى على البخار ونسيبه 10 دقايق نطلعها من على النار نحطها فى صينيه ننزل بحته زبده او سمنه ونفرك بصوابعنا مع رشرشه لبن ونضربها بردو بالكبه علشان لو فى اى كلكعه تفك ونرجع بها تانى على النار ونسيبها لحد ماتستوى وهى على عالنار لو حبيبتى تقلببها يبقى بالشوكه وبس كده وبالهنا والشفا
جربوا بكوبايه دقيق فى اﻻول
تعليقات
إرسال تعليق