المشبك الشامى بالصور وباسهل طريقه

السلام عليكم ..
النهارده جايبالكم حاجه حلوة جديده يارب تعجبكم ..
المشبك الشامي حاجة حلوة جديدة وسهله وطعمها جميل اوي تغيير عن الكيك والبسبوسة والكنافة
المقادير
3 كوب سميد خشن
يتفركوا بربع كوب زيت نضيف
بعدين نضيف عليهم نص كوب دقيق
معلقه نشا
معلقتين سكر
معلقه خميرة فورية
معلقه بيكنج بودر صغيرة ونقلبهم كويس جدا
نحط عليهم كوبايتين ونص لبن ونقلب كله في بعضه
نسيب الخليط يخمر نص ساعه كدة
بعدين نحطه في كيس بلح الشام بالبلبله بتاعه بلح الشام ونعملها رول في زيت سخن علي درجة حرارة متوسطة انا مصورالكم شكلة في الطاسة ولما يتحمر يخرج علي شربات بارد مقرمشة من برة وطرية من جوة