بالصور مسقعة دايت ونباتى من عمايل ايدى رووعه يالهوى
وعدتكم انى هنزل المسقعة دايت.مسقعة دايت !!!
الطريقة.اولا الطبق ده اتعمل بمعلقتين زيت بس وطبعا بالمقارنة بالمسقعة العادية اللى بتشرب ييجى كباية زيت يبقى المعلقتين افضل
قطعت البتنجان شرايح وجبت الجريل اللى بتتقفل دى ومسحتها بمعلقة زيت وسخنت اوى رصيت البتنجان اخد لون وقلبته وبعدين هديت النار وقفلت الجريل.طيب معندناش البتاعة دى خلاص طاسة تيفال يا ستى وغطيها باى غطا
عصجت اللحمة ببصل وفلفل اخضر فى طاسة تيفال وماحطيتش عليها زيت خالص هى اخدت لون ووطيت عليها اوى لحد ما استوت وممكن تضيفى ربع كبابة ماية
الصلصة .حمرت توم مفروم بمعلقة الزيت التانية واللى عايز يعملها ببصل ماشى يعنى شوفى بتحبيها ازاى واتحمر نزلت بالطماطم المعصورة ولما غليت شوية طفيت ورصيت البتنجان فى بيركس وفوقه اللحمة وفوقه الصلصة ودخلته الفرن .وكلته مع ربع رغيف وعصرت عليها ليمون بتبقى حلوة بالليمون جدا
والبوست معاه كل الوصفات الدايت اللى نزلتها لان فكرة الهاشتاج مش نافعة
بحبكم فى الله
تعليقات
إرسال تعليق