بالصور طريقة الكفتة بحشوة الجبنة والموتزريلا

عملت الكفتة اللى محشية جبنة
وحطيتها في الفرن مش علي النار من فوق
تتبيلة اللحمة

بصلة مفرومة( ناخد التفل ونسيب الماية )
ملح وفلفل اسمر وبهارات لحمه
معلقة كبيرة ممسوحة بكنج بودر
شوية بقدونس متقطعين
معلقتين خلطة كفتة اي نوع( لو عايزة ولو من غير هتبقي حلوة برضة )
تتبليها وتحطيها في التلاجة شوية تتشمع يعني ساعة مثلا او اكتر لو مش مستعجلة
وبعدين تبلي ايدك ماية بصل و تاخدي منها وتفردي علي ايدك دايرة وتحطي الجبنة الموزاريلا وتقفلي عليها وبماية البصل تمشي ايدك عليها تاني وانتي بتدوريها علشان تقفل كويس
وترصيهم في صنية بمسحة زيت وتخلي القفلة لتحت
ويدخلو فرن حامي شوية وتقلبيهم الناحية التانية
او ممكن تسويها تحت شواية الفرن
وممكن كمان في طاسة علي النار بشوية زيت مع التقليب