بالصور طريقة عمل احلى سمك في الفرن
جبت سمكة كبيرة و خليت الراجل فتحها و نظفها من جوى كويس و غسلتها كويس و فركتها باللمون بعدين في طبق عملت خلطة بالكمون و الفلفل بابريكة و ملح و فلفل اسود و شوية جنزبيل و ٥ ثوم مفروم و قزبرة و بقدونس مفرومين و كوباية صغيرة زيت زتون و لمون مخلل شلت اللب و قطعت القشرة قطع صغيرة اوي و حطيت هريسة الي هي فلفل شطة و لو مفيش مش مشكلة هنحط كذا فلفل حراق في الصينية ،
نص كيلو جمبري شلتله القشرة و حطيته في الخلطة بعدين حشيت كله في السمكة و سبت من الصلصة و قفلت السمكة بخل السنان
فرشت في الصينية بطاطس متقطعة مدورة و جزر حطيت السمكة بعدين قطعت فلفل اخضر و احمر و طماطم دواير و حطيتهم فوقيها و عملت الصلصة الي فضلت فوقيهم و عصير نص لمونة و شوية ماية و دخلتها الفرن تستوي و لو نشفت ماية و لسة ما استوتش زودت ماية و بسقي السمكة في نفس الوقت
تعليقات
إرسال تعليق