بالصور طريقة عمل البريك بديل الكريب ومن غير بيض
دا ((البريك)) زى الكريب بس من غير بيض
وساهل جدا حشيته فراخ بالبسلة بجد ما شاء الله
انا تعبت وانا بعملها و تعبت اكتر وانا بشرحها
☆☆المكونات و الطريقة ☆☆
2 كوب دقيق و خميرة بيرة تدوبيها ومعاها معلقة سكر فى كوب ونص ماية و معلقة بيكنج بودر وذرة ملح وتضربيهم ف الخلاط هتبقى العجينة سايله ماسكة نفسها لو حستيها سايلة خالص زودى دقيق
وسبيها ترتاح شوية
زى عجينة القطايف بالضبط
لازم يكون عندك طاسة تيفال عشان هتتعمل عليها
تحطى نقطة زيت و تمسحيها بمنديل
ركزى ف الخطوة دى مهمة جدا
تصبى شوية صغيرين من العجينة ع الطاسة زى قرص صغير وتلحقى تفرشيها بالفرشة عشان تفرش معاكى بسهولة
ابسطهالك كانك بتدعنى صنية سمنة وانتى بتعمليها بالفرشة
هتلاقيها هتطلع بسهولة معاكى لانها مبتاخدش نار زى القطايف
وتكون على العين الكبيرة وتوطى النار
انا ببسطتها بالشرح
☆☆☆☆الحشو بقى ☆☆☆☆
شوحت بصلة ع النار ولما صفرت حطيت البسلة و عليها التوابل وسكر وبعدين حطيت مايه عشان تستوى البسلة
ولما تستوى هتضيفلها بواقى فراخ عملاها قبل كدا ممكن صدر فرخة و تقطعيه مكعبات وبعدين تقلبى وتغطيها خمس دقايق وتطفى النار
وتجيبى عيش البوريك وتضيفى الحشوة وبعدين تلفيه و ف الطرف عشان تقفل معاكى تدهنيها ( دقيق وماية وتقلبيهم عشان تلزق معاكى )
وبعدين تحمريها
ممكن تحشيها اى حاجة براحتك حتى لو بطاطس مسلوقة وعليها بواقى فراخ
وممكن تعمليها حلو وتحطيلها شربات
افتكسى زى ما تحبى اهم حاجة يكون عيش البوريك طلع معاكى مظبوط
وبالف هنا يا حبايبى
تعليقات
إرسال تعليق