بالصور طريقة عمل الكنافة بالمانجا والله وهمية ومش مكلفة

اجمد طريقة للكنافة بالمانجة عندى هنا تعالوا بسرعة..

المقادير
نص كيلو كنافا
كيلو مانجا
قالب زبده لورباك 100 جرام
علبه حليب مكثف
علبه قشطه
علبه جبنه كيري 6 قطع
كوب كبير شربات
كوب بودره كريم شانتيه
نص كوب ماء مثلج

 
فرمت الكنافه في الخلاط

سخنت الزبده ونزلت الكنافه وفركتها كويس علشان تتحمر 

نزلت الشربات بارد وقلبته كويسوسيبته يبرد خااالص 

نزلت علبه الحليب المكثف والجبنه الكيري والقشطه وضربت عالهادي 

 
نزلت نص كوب الماء المثلج وكوب بودره الكريم شانتيه وضربت عالهادي لمده عشر دقايق

 
جبت القالب بتاعي ازاز مدور


قشرت المانجا زي البطاطس بالمقشره وقطعتها مكعبات
وطبعا لازم تبقي جامده مش طريه

 
لما الكنافه برده خالص نزلت طبقه كده

 
وبعدين طبقه كريمة

 
وبعدين مانجا مكعبات

 
وكررت كل طبقه 3مرات بالشكل ده

 
بالفرشه السيلكون مسحت عالمانجا من فوق بشربات علشان تلمع ومش تسمر .. جربوها وبالف هنا