بالصور تورتة مميزة وطريقة تزينها بعجينة السكر روعة ومش غالية

احلى تورتة بعجينة السكر ممكن تعمليها يالا نشووف 
انا جبت المقادير اللى هى
نص كيلو دقيق اسبونج
و6بيضات حمر (يعنى بيض احمر )ونص كوب ماء من الحنفيه وكيس فانيليا
وحطتهم كلهم ف طبق غويط وضربت بمضرب كهرباء 10دقايق ع حسب ما يستحمل المضرب بتاعك المهم كل ما يضرب الخليط ويزيد اكتر كل ما تبقى هاشه وتحفه خلاص كده تمام
هجيب بقى صينيه مقاس 24 وادهنها سمنه او ذبده كويس وارش شويه دقيق عادى ف الصينيه وع الجوانب كويس واخبط الصينيه واخرج الدقيق الزايد حلو كده
طبعا اكون فاتحه الفرن قبلهابربع ساعه تمام كده لو الجوانب بتاعه الصينيه مش عاليه حطى ورق زبده وخليها اعلى من جوانب الصينيه علشان لو الكيكه عليت اووى. هنحط الخليط كله ونساوى الصينيه ونحطها ف الفرن ع درجه حراره 180 لمده نص ساعه واوعى تفتحى عليها خالص وبعد نص ساعه افتحى وشوفى اغرزى السكينه للاخر لو طلعت نضيفه خلاص اطفى وسيبيها شويه وطلعيها ب 3 دقايق ولو طلعت فيها عجين سيبيها شويه صغيرين تمام استوت كده الكيكه وبردت وطلعتيها من الصينيه براحه وحطتيها ف طبق غليفيها بكيس بلاستك ودخليها التلاجه. علشان تانى يوم تزوقيها لازم تبات يوم كامل ف التلاجه
بعد ما تخرجى الكيكه من التلاجه تانى يوم براحه خالص اقسمها ل 3 واحط بالملعقه واحده واحده اى عصير عندك او حتى حاجه سقعه بس مش يكون فيها صودا واحشيها كريم جانتيه وعليه فاكهه لو هتتاكل ف نفس اليوم لو عا تعد يبقى فاكهه مجففه لو مش عاوزه خالص برحتك او حتى مكسرات زى ما تحبى وحطى طبقه والتانيه واخر طبقه مش تحطى حاجه وتبتدى تغليفيها ب كريمه الذبده اللى هى عباره عن كوب ذبده وعليها كوب نص سكر بودره منخول كويس واضرب بالمضرب الكهربه لحد ما تبقى كريمه واغلف بيها التورته كلها من الجوانب ومن فوق واحطها ف التلاجه لحد ما اجيب العجينه وادهن الرخامه بالزيت وافرد عليها العجينه بالنشابه لحد ما احس انها اكبر من التورته واشلها براحه واحطها ع التورته بعد ما اخرجها من التلاجه واخرج الهوا بإنى ابطط على التورته براحه من فوق ومن الجناب واجيب السكينه واقطع الزوائد وتبقى شكلها حلو كده
واجيب العجينه. اللى لونتها وابدأ اعمل اشكال والزقها ع التورته ازاى بقى اجيب شويه مايه صغيرين وملعقه صغيره سكر بودره واقلب كويس واجيب فرشه صغيره وادهن على الشكل بالمايه والسكر والزقها ع التورته