بالصور تكات مهمة وانتى بتعملى المحشى

النهاردة جايبالكم تكات مهمة فى عمايل المحشى...
طريقتى فى المحشى.....
اقطع بصل قطع صغيره وانزل بيه فى زيت وسمنه بلدى واشوح فيه ولما يصفر انزل بالتوم المفروم وعصير الطماطم المضروب فى الخلاط مع 3 قرون شطه حاميه وملح ولما تتسبك اغسل الرز مع إضافه ملح لو احتاج وفلفل اسود وبهارات وقذبره ناشفه وكمون ناعم وشطه حمره ناعمه لو بتحبيه مشطشط وافلب كله مع بعضه وانزله واضيف عليه الخضره شبت وبقدونس وقذبره خضره واقلب كله مع بعضه وكده بتكون الخلطه جاهزه
ملحوظه....
عودى نفسك تضيفى الخضره فى الاخر لما تنزلى الخلطه من على النار علشان تحتفظ الخضره بلونها وريحتها الجميله
والتوم انا بضيفه نى مبحمروش بيدى طعم جميل بشهاده الجميع